7 Fév
L’artista Ben, ben counouissut per li siéu paraula blanqui sus fount negre a escrich una serìa de timbre per la poste e a chausit d’en faire un en Nissart!
Aquesta paraula m’a toujou agradat perque era escricha sus una dei proumiera sarpa doù gym qu’ai augut. Sarpa que mi siéu fach petà aloura que jugavi au pilou (fa 10 an e m’en avisi encara)! Que vergougna…
E lou moral lou deven gardà, eme lou gym que s’en cala en douga…
Issa Nissa!
Seguran
14 Nov
L’aven vist la semana passada, basta un pichin coù de mar e cinc minuta de pluèia e la keûte es en revolucioun.
©Hélène Molinari, la nouòstra journalista en Belgica
E siguesse aquì la solucioun?
Nautre qu’aven una fourra doù tourisme sauvage e de l’urbanisacioun fouòla, bessai qu’anen estre ajudat d’un amic que l’asperavan pas: la natura.
Mefi, siéu pas contre faire venì de tourista aquì, siéu proun fier de la belessa de la miéu countea ma caurìa bessai chanjà un poù lou nouòstre pounch de vista sus lou tourisme de massa.
Garderen lou codou!
Aven un patrimòni arquitetural e istòricou ouriginal e tout cen que moustren ai tourista soun lu codou d’en riba de mar (codou que d’aquì poù seron chanjat contra d’arena, paure mounde…).
Un jour la councurença de l’Espagna, de la Tunisìa o meme dei Sechela, Maldivi… serà troù fouòrta e adiéu baraca, pus degun à Nissa.
Dounca, ancuèi, toui lu restauratour qu’an de bar, lounge e tutti quanti en riba de mar si plouron de veire lu siéu establimen destruch.
Ma noun vi fes de marrit sanc, la FORCE 06, (lu servici doù despartamen) es aquì per tout netejà!
Force jaune!
Es dounca lou contribuable que paga la nota aloura que lu plagista soun souventi-fès fouòra-lei:
-an pas lou drech de laissà d’estrutura tout l’an
-ocupon la plaia/grava fin à la mar aloura que devon laissà un passage doun cadun poù passà e ficà la siéu servetta (Poudès prouvà de lou faire, de sbirou vendran vi mandà fouòra manu militari)
Toutun, s’en baten, perque lou vent a virat. La natura es eme nautre, la mar couma lu fluve.
Lou Var coumença à faire petà lu pouònt e d’aquì poù tournara la frountiera tra Nissa e Countea.
E benléu, lou nouòstre Palhon naciounal si drevilherà per mandà en galera la siéu cubertura de beton!
Palhon ven!
Viva
Seguran
7 Nov
La febre de la puhada* en D1 es passada despì un béu moument e aven un poù lou sentimen que lou Gym noun creisse: fen pus de proumiera partida de campiounat de l’autre mounde, si sauven toujour à una o doui journada de la fin…
Li es pus gaire que la coupa de la liga (liga que pouden pas sudurà eme l’autra bambana de Thiriez e li siéu baffi) per nen faire un poù vibrà.
E s’ajougnen à tout acò la dissolucioun de la BSN…
Es ver li es un poù de noù:
-lou president ven de chanjà, bessai que pourrà dounà un poù d’abriva au club. Ma mi maufidi toujour, 
perque siéu pas tan vielh ma de president n’ai counouissut. Toui lu Sensi, Pastorello que s’en batìon doù gym e que venguèron per s’enricà un pau mai sus la keute d’azur. Au mancou, Rivere es mai o proun d’aquì. Veiren ben…
-lou GSN. Per una cagada, lou gran estadi n’es una. Capissi toujour pas lou ligam tra l’estadi e lu jugaire. Mi poudès dounà lu soulié de Messi e mi laissà emb’un baloun touta la nuèch en lou Camp Nou, Old Trafford o sabi pas doun que juguerai pas pus ben qu’à l’oli. Quoura lou Ray serà destruch e que lou GSN serà vuèi auren pus que lu uès per si plourà (Ray e basta!).
Que soulucioun aloura per dounà l’envuèia ai gent de venì à l’estadi?
OGCN, mai qu’un club?Aven un club poupulari que pourrìa estre diferent.
Despì toujou, lou gym es estat supportat dai Nissart. Aquelu que vivon à Nissa ma soubretout aquelu que parlon Nissart, que si senton Nissart, que soun estat alevat en bouoi Nissart.
Un poù couma lou Torino qu’es lou club dei Torinesi aloura que la juve es lou club dei gen doù sud, l’OGCN a pas voucacion à estre un club regiounal: es lou club de la vila e de la Countea.
Tout acò rapresenta tout de meme un cavagnoù de mai de 800 000 persouna (Nissa, couòla, mountagna, riba de mar coustà Vilafranca fin au Cau d’ae…). N’i a proun per emplì un estadi e croumpà de malha.
E se lou gym siguesse propi lou club de Nissa e pas un club de mai en la ligue 1 – pourtegal* à la limita de la franchisa americana?
Perque noun faire lou pati d’un club emb’un’identità fouòrta ?
Perque degun utilisa propi aquela fibra Nissarda, tan au nivéu dei supporter que de la fourm
acioun dei jugaire?
Li miéu inspiracioun soun segur lou Barça, lou club que fa la promocioun de la Catalougna, que juèga la champion’s league eme de jugaire catalan e d’estranger que parlon catalan. O encà, l’Athletic Bilbao, foundat dai Ingles e que n’engagia que de jugaire bascou.
http://www.sofoot.com/bilbao-retour-vers-le-futur-144606-article.html
E perque noun regarjà devers lou nemic de toujour, lou SC Bastia, que lou siéu entrenur (qu’es minga corsou) a decidat de metre de cours de corsou au centrou d’entrahinamen (soubretout que lu jugaire pro an lou tems).
Bessai que tout acò pourrà foundà un ver couletiéu e un ligam pu fouòrt tra lou club e lu supportaire.
Seguran
*puhada=mountada
*pourtegal significa « orange » en Nissart
27 Juin
Estre Bastian countrari per iéu, es un biais de vida, cresi meme qu’es genetic (ma maigran, bouòn ànima si sounava Bastian).
N’an pas una fourra de jugà ai magou eme la natura? Apres Dolly, la fea clonada, vequì ISA la vaca q
ue ti douna de lach maternal.
Se capissi ben soun anat trafegà li gena d’una vaca per moudificà l’ADN doù siéu vedéu. E aquéu vedéu serà bouòn à produrre de lach uman, que pati! Lire la suite
16 Mai
Estre Bastian countrari per iéu, es un biais de vida, cresi meme qu’es genetic (ma maigran, bouòn ànima si sounava Bastian).
Sabi pas se siéu malaut o s’ai chapat una cacòia , ma per un coù, rougni pas! Ma noun vi faire de bila, mi passerà.
E cen que mi ralegra, es lou retour de l’estatua d’Apoloun sus la plaça Carlou-Aubert (plaça doù traditour per lu francès).
Veni pas faire aquì de proupaganda municipala, noun. Es just que m’agradoun li estatua, basta.
E pi mi fahìa mau de veire aquéu brave Apoloun s’escoundre, alhà, à coustà d’un autre vielh, Charles « tartuga » Hermann.
« Cachez ce bicou que je ne saurais voir »- Molière (pas lou paisot à coustà de Valdebloura ma l’escribachoun).
9 Mai
Lou souléu souòrte, la calour es aquì: l’estiéu ariba!
Adounc:
-Se sias fier d’estre Nissart.
-Se voules pas estre mesclat emb’aquelu touriste que venon passà doui semana sus la keûte d’azur per si faire brounzà e que n’aprofitoun mancou per descurbì lou païs escoundut darrié lu palmié.
-Se la sarpa dòu gym es un pau tròu cauda per si pilhà un bagne de souléu.
Aloura: Noun anesse vi ficà sus la grava en julhet o avoust, anàs-li en jun o asperas setembre!
Ma se la tentacion maritima es troù fouòrta, poudès faire coum’aquelu jouve qu’an pourtat la Bandièra sus la grava.
*Sus la grava es una cansoun d’un barounaire que ‘sta sus la plaia e que noun a propi l’envuèia d’anà travalhà:
La poudès escoutà aquì: Sus la grava, cantada da Gigi de Nissa
Li paraula:
Sus la grava.
Enfant de la natura,
La mieu vida es lou repau
N’ai ni cravata ni centura
M’e doui blouca e quatorze trau
Sieu naissut m’ai bras ligat
E li nerf fatigat
Lire la suite
1 Mai
« Estre Bastian countrari per iéu, es un biais de vida, cresi meme qu’es genetic que ma maigran, bouòn ànima, si sounava Bastian. »
Enca’n coù pilhi la miéu tastièra per rougnà un pau. Es ver arribi un pau tardi, ma d’una banda, siéu jamai estat per l’estadi en la plana doù Var e de l’autra escrivi sus d’aquéu blog que despì quauque mes.
L’autre jour quoura siéu sourtit dòu Ray à la fin de Nissa-Lioun (ndlr: va ben l’article l’ai escrich li a béu tems ma ai augut la flemma de lou metre « en ligna») e qu’ai vist toui lu supporter dòu gym s’en anà à pen, en trambalan, au mitan de Gorbella, mi sieu sentit couma una pouncha au couor. Es bessai un dei darrié coù que vehi acò.
D’aquì pau, coura jugueran au GSN (grand stade de Nice), à la fin doù mach cadun si fiquerà en la siéu vetura, fenèstra barrada ‘me la ràdio que brama. Parié per l’avant-mach, que si debanerà pus à la routounda o sus lou parking à beure un gòtou.
Au GSN, denant lou match, li aurà gym-burger per cadun à l’OGCN fast food e après lou darrié film american à l’oympikcinemà.
21 Mar
Estre Bastian countrari per iéu, es un biais de vida, cresi meme qu’es genetic que ma maigran, bouòn ànima, si sounava Bastian.
L’autre jou, siéu passat plaça Garibaldi e ai vist qu’eron à l’obra per dounà un coù de fresc ai façada. Primou, siéu estat countent, lu trompe-l’oeil m’agradavon, era pintat de noù…
Ma li siéu tournat pus tardi e fin finala, ai pas augut la mem’impressioun. Tout acò mi dounavat l’efet d’estre au mitan d’un decor de teatre en carta-pista. Lou sabi que li plaça d’aquéu estile soun de misa en scèna e dounca lou parangoun embe lou teatre es vourgut da l’arquiteta.
Ma mi siéu dich qu’un coù de mai aviavan perdut un poù d’autenticità, per gagnà un pau de faus, de tape-à-l’oeil.
La plaça Garibaldi, couma Babazouk, avìa un coustà poupulari, ver, couma toui li vielha-vila mieterani e latini qu’aquéu decor ricas nen fa denembrà.
Aloura, ahura, à vautre de jugà. Dihès-mi se siéu un rougnaire o s’ai rasoun.
Cen que n’en pensas?
Voucabulari:
parangoun: comparaison
denembrà:oublier
14 Mar
Nolwenn a sourtit lou siéu album « Bretonne » que marcha propi ben doun repilha de vielhi cansoun en bretoun e en francès.
Finda nousautre aven la nouòstra « star’academiciana » (Bessai qu’en bouòn Nissart caurìa dire « estel’academiciana »): Jenifer!
Lou siéu darrié album a fach una pastissada e lu 500 000 vèndita de « Bretouna » li douneran bessai l’envuèia de registrà « Nissarda ».
Ma lou proublema es que Jen a ja chausit lou siéu camp: se canta un jour en una lenga minorisada, serà lou Corsou: Jenifer vole fà un album in lingua corsa.
Finda ela a chapat la maladìa de la mitan d’aquelu qu’an fach una tv-realità: un coù soun Nissart, un coù soun Corsou.
Qu soubra aloura?
Rose?
Que, apres la siéu lista en francès n’en farà un catalògou en Nissart. Ai ja d’idéa per ela:
Anà dau pintre
Bèure un gotou de bellet
Faire bus de ren
Croumpà lou can de Basso
Liege « la Countea »
Pilhà lou tram
Es acò que vouòli faire à Nissa.
Dick Rivers?
Aquéu, moun paigran a jamai pouscut lou sudurà perque avìa vendut la boucherìa de la familha per anà faire lou bulou à Paris.
Jean-Felix Lalanne?
Lou fraire de l’autre.
Bessai que tout ai doui n’en pourren faire un duo sus en « Calant de Cimiez eme li miéu cuissarda »
Fin finala, mi cresi que va pu ben de denembrà aqueli mouninarìa e d’anà escoutà:
e soubretout de croumpà lu album en souscricioun:
de Mauris
doù Mago d’en Castéu
Chau e viva!
Nissa Maritima 