Estre Bastian countrari per iéu, es un biais de vida, cresi meme qu’es genetic (ma maigran, bouòn ànima si sounava Bastian).
Sabi pas se siéu malaut o s’ai chapat una cacòia , ma per un coù, rougni pas! Ma noun vi faire de bila, mi passerà.
E cen que mi ralegra, es lou retour de l’estatua d’Apoloun sus la plaça Carlou-Aubert (plaça doù traditour per lu francès).
Veni pas faire aquì de proupaganda municipala, noun. Es just que m’agradoun li estatua, basta.
E pi mi fahìa mau de veire aquéu brave Apoloun s’escoundre, alhà, à coustà d’un autre vielh, Charles « tartuga » Hermann.
« Cachez ce bicou que je ne saurais voir »- Molière (pas lou paisot à coustà de Valdebloura ma l’escribachoun).
E quoura ai vist que lou retour de Paulo sus la plaça fahìa polémica, lou mi séu pas capit: capissìi pas coum
a, au sécoulou XXI, la nudità greco-roumana poudìa faire escàndalou.
La nudità culturala europenca, la basa de l’art à l’entour de la mar mieteranéa!
Autra curiosità, ai troubat sus lou net un autre article satìricou sus l’estàtua ma… en inglès(!):
http://www.bestofniceblog.com/2011/04/09/no-fig-leaf-for-apollo/
E encà un autr’article touplen de pùdicou, doun an escoundut lou bicou! Encà en inglès:
http://www.aolnews.com/2011/04/12/well-endowed-apollo-statue-to-be-re-erected-in-france/
Estou coù la demanda serà simpla, un pau couma pifou, glop o pas glop?
Nissa Maritima 