Bastian Countrari – Istoria de vaca fouòli

Estre Bastian countrari per iéu, es un biais de vida, cresi meme qu’es genetic (ma maigran, bouòn ànima si sounava Bastian).

N’an pas una fourra de jugà ai magou eme la natura? Apres Dolly, la fea clonada, vequì ISA la vaca que ti douna de lach maternal.

Se capissi ben soun anat trafegà li gena d’una vaca per moudificà l’ADN doù siéu vedéu. E aquéu vedéu serà bouòn à produrre de lach uman, que pati!

E ancuei, cadun crida au miracle  e rengracia la maravilhoua cervela umana qu’a pouscut creà aquéu mounstre.

Ahì, un mounstre! Ja perque peha 45 kg, doui coù lou pes d’un vedéu « jersey » nourmal quoura souòrte de sa maire.

E pi finda perque duerbe un pau mai la pouòrta à li creacioun sensa judici, sensa counsciencia, d’ersatz de scientificou.

A nousautre de trouvà cen que serà l’ibride seguen:

-un cavau que pisserà de vin de Bellet?

-un pouòrc que farà d’où de galina?

-una cabra qu’aura de pan en plaça de li bana?

Segur qu’aquelu magou auran toujou de bouòni rasoun ma, à iéu tout acò mi fa un pòu paur. Qu n’en dounerà ai siéu pichoui d’aquéu lach?

Si pouden demandà de la vaca o de l’ome qu es lou mai fouòl…

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

%d blogueurs aiment cette page :